អង្គការទិន្នន័យអំពីការអភិវឌ្ឍ (អូឌីស៊ី) និងដៃគូរបស់ខ្លួនរួមជាមួយនឹង ក្រុមប្រឹក្សាយោបល់ កម្ពុជា អាយស៊ីធីខែម សូមប្រកាសជ្រើសរើសអ្នកស្ម័គ្រចិត្តដើម្បីជួយក្នុងកម្មវិធី «កម្ពុជា អាយស៊ីធីខែម ឆ្នាំ២០២២» ដែលនឹងរៀបចំពី ថ្ងៃទី ២៣ ដល់ ២៥ ខែមិថុនា ឆ្នាំ២០២២ នៅខេត្តសៀមរាប ព្រះរាជាណាចក្រកម្ពុជា។
កម្ពុជា អាយស៊ីធីខែម ឆ្នាំ២០២២ គឺជាសិក្ខាសាលាចំនួន ៣ ថ្ងៃស្ដីពីទិន្នន័យបើកទូលាយ សន្តិសុខឌីជីថល និងសារព័ត៌មានទិន្នន័យ។ កម្មវិធីនេះនឹងផ្ដល់ឱ្យអ្នកចូលរួមនូវសិក្ខាសាលាដែលមានភាពរស់រវើក និងការអនុវត្តសកម្មភាពជាក់ស្ដែងដែលនឹងចែករំលែកដោយវាគ្មិនមានបទពិសោធន៍ក្នុងវិស័យទិន្នន័យ ប្រព័ន្ធផ្សព្វផ្សាយ និងសារគមនាគមន៍ សារព័ត៌មាន និងបច្ចេកវិទ្យា។ អ្នកចូលរួមនៅក្នុងកម្មវិធីនេះគឺជាជនជាតិខ្មែរមកពីគ្រប់វិស័យដែលពាក់ព័ន្ធ ដូចជាស្ថាប័នប្រព័ន្ធផ្សព្វផ្សាយ សារព័ត៌មាន អង្គការសង្គមស៊ិវិល ក្រុមការងារស្ដីពីសិទ្ធិឌីជីថល វិស័យឯកជន សាស្ត្រាចារ្យ និងនិស្សិតសាកលវិទ្យាល័យ។ ដើម្បីរៀបចំកម្មវិធីដល់ អូឌីស៊ីសូមប្រកាសជ្រើសរើសអ្នកស្ម័គ្រចិត្តដូចខាងក្រោម៖
ទំនួលខុសត្រូវ៖
- សម្របសម្រួលជាមួយវាគ្មិន និងអ្នកចូលរួមនៃកម្ពុជា អាយស៊ីធីខែម ឆ្នាំ២០២២
- សម្របសម្រួលដល់ការរៀបចំឡូជីស្ទីកមុន និងអំឡុងពេលរៀបចំខែម
- ជួយសម្របសម្រួលវាគ្មិនអំឡុងពេលបែងចែកក្រុមពិភាក្សា
- បកស្រាយរវាងភាសាខ្មែរ និងភាសាអង់គ្លេសសម្រាប់ក្រុមពិភាក្សាមួយចំនួន
- សរសេរសេចក្តីព្រាងនៃប្លក់ និងសង្ខេបនៃប្រធានបទដែលចែករំលែកដោយវាគ្មិន
- សម្របសម្រួលជាមួយអ្នកចូលរួមក្នុងអំឡុងពេលធ្វើដំណើរ
- រួមគ្នាជាមួយក្រុមការងារអូឌីស៊ី ជួយសម្រួលដល់ថ្ងៃចេញក្រៅ
- ការងារផ្សេងទៀតតាមការចាត់តាំង
លក្ខខណ្ឌក្នុងការចូលរួម៖
- ជានិស្សិតសាកលវិទ្យាល័យ ប្រព័ន្ធផ្សព្វផ្សាយឯករាជ្យ អង្គការសង្គមស៊ីវិល និងបុគ្គលិកសហគមន៍នៅកម្ពុជា
- មានចំណាប់អារម្មណ៍ខ្លាំងក្នុងការប្រើប្រាស់ទិន្នន័យ និងឧបករណ៍បច្ចេកវិទ្យាព័ត៌មាន និងគមនាគមន៍ដើម្បីដោះស្រាយបញ្ហា
- អាចចូលរួមការប្រជុំមុនកម្មវិធី
- ប្តេជ្ញាបំពេញភារកិច្ចដែលបានចាត់តាំងដោយក្រុមការងារអូឌីស៊ី
- អាចចូលរួមកម្មវិធីពង្រឹងសមត្ថភាពដែលផ្តល់ដោយអូឌីស៊ី
- មានកុំព្យូទ័រផ្ទាល់ខ្លួន
- អាចចូលរួមកម្មវិធីពេញលេញ (រួមទាំងថ្ងៃធ្វើដំណើរ)។
អត្ថប្រយោជន៍៖
- ទទួលបានវិញ្ញាបនបត្រទទួលស្គាល់ពីអ្នករៀបចំ
- រ៉ាប់រងថ្លៃទាំងស្រុងអំឡុងកម្មវិធី (កន្លែងស្នាក់នៅ អាហារ និងការធ្វើដំណើរ ។ល។)
- មានឱកាសទំនាក់ទំនង និងបង្កើតបណ្តាញជាមួយអ្នកចូលរួមមកពីមជ្ឈដ្ឋានផ្សេងៗ
- ទទួលបានបទពិសោធន៍ធ្វើការជាមួយអង្គការបច្ចេកវិទ្យា និងកម្មវិធី ឬការគ្រប់គ្រងខែម
- មានឱកាសបង្កើតបណ្តាញ
- ជួបជាមួយអ្នកជំនាញនៅក្នុងផ្នែកនៃទិន្នន័យបើកទូលាយ សុវត្ថិភាពឌីជីថល សារព័ត៌មាន និងវិស័យផ្សេងៗទៀត។
សូមដាក់ពាក្យនៅទីនេះ៖ https://cambodiaict.net/register/volunteers/
ថ្ងៃផុតកំណត់ដាក់ពាក្យ៖ ថ្ងៃទី២៥ ខែមេសា ឆ្នាំ២០២២ ត្រឹមម៉ោង ២៣៖៥៩ នាទី។
ក្រុមការងារអូឌីស៊ីនឹងរៀបចំការធ្វើដំណើរទៅមក អាហារ និងការស្នាក់នៅដោយមិនគិតថ្លៃសម្រាប់អ្នកក្នុងអំឡុងពេលខែម។ ក្រុមការងារនឹងរៀបចំឡានក្រុងដើម្បីដឹកជញ្ជូនអ្នកចូលរួមពីភ្នំពេញទៅសៀមរាបនៅថ្ងៃទី ២២ ខែមិថុនា ឆ្នាំ២០២២ និងត្រឡប់មកវិញនៅថ្ងៃទី ២៦ ខែមិថុនា ឆ្នាំ២០២២។ សូមចំណាំថា អ្នករៀបចំនឹងមិនទទួលខុសត្រូវចំពោះការចំណាយពាក់ព័ន្ធរបស់អ្នកមុន និងក្រោយការខែមនោះទេ។
ប្រសិនបើអ្នកមានចម្ងល់ ឬត្រូវការព័ត៌មានបន្ថែម សូមទាក់ទងមកយើងខ្ញុំតាមរយៈ៖
- អ៊ីមែល៖ event@cambodiaict.net
- គេហទំព័រ៖ www.cambodiaict.net
- ហ្វេសប៊ុក៖ https://www.facebook.com/CambodiaICTCamp/