Ar Arky
អ្នកបច្ចេកទេស និងអ្នកនិទានដោយប្រើប្រាស់ទិន្នន័យមើលឃើញ
Ar Arky
Ar Arky
អ្នកបច្ចេកទេស និងអ្នកនិទានដោយប្រើប្រាស់ទិន្នន័យមើលឃើញ
Arky គឺជាអ្នកបច្ចេកទេស និងជាអ្នកនិទានដោយប្រើប្រាស់ទិន្នន័យមើលឃើញ ដែលជួយដល់ស្ថាប័នមិនរកប្រាក់ចំណេញ និងសហគ្រាសសង្គម ក្នុងការប្រើប្រាស់ព័ត៌មាន និងបច្ចេកវិទ្យាទូរគមនាគមន៍ (អាយស៊ីធី)។ គាត់បានចូលរួមជាមួយសហគមន៍សេរី និងប្រភពកូដបើកទូលាយជាងមួយទសវត្សរ៍មកហើយ។ គាត់បានធ្វើការជាមួយនឹងស្ថាប័នមិនរកប្រាក់ចំណេញ ដូចជា Braille Without Borders (BWB), NGO Resource Center and Mozilla នៅតំបន់អាស៊ី អាស៊ីអាគ្នេយ៏ និងអាហ្វ្រិក។ បច្ចុប្បន្ន គាត់កំពុងរស់នៅរាជធានីភ្នំពេញ នៃប្រទេសកម្ពុជា។
Ashish Fitkariwala
ស្ថាបនិក និងនាយក
EduQuest Hub
Ashish Fitkariwala
Ashish Fitkariwala
ស្ថាបនិក និងនាយក
EduQuest Hub
Ashish Fitkariwala គឺជាស្ថាបនិក និងនាយកនៃ EduQuest Hub ដែលជាគេហទំព័រព័ត៌មានអប់រំ និងទីផ្សារដំបូងបង្អស់ នៅក្នុងប្រទេសកម្ពុជា ដែលនាំមកនូវដំណោះស្រាយ EdTech និងការអភិវឌ្ឍជំនាញ ដើម្បីបំពេញនូវគម្លាតនៃចំណេះដឹងដែលមានស្រាប់ នៅក្នុងវិស័យអប់រំ និងអាជីវកម្មរបស់ប្រទេសកម្ពុជា។
Ashish មានបទពិសោធន៍ជាង ១៣ឆ្នាំ ក្នុងវិស័យភាពជាអ្នកដឹកនាំ ទីផ្សារ ការលក់ ភាពជាដៃគូ និងការគ្រប់គ្រងទំនាក់ទំនង ដោយធ្វើការជាមួយវិស័យឯកជនជាច្រើន នៅក្នុងប្រទេសឥណ្ឌា និងកម្ពុជា។
គាត់បានធ្វើការជាមួយអង្គការមួយចំនួន ដូចជា ក្រុមហ៊ុន Accenture, Lenovo និង Hewlett-Packard នៅមុនពេលគាត់មកធ្វើការជាមួយក្រុមហ៊ុន Thakral Group នៅប្រទេសកម្ពុជា ក្នុងនាមជាអ្នកគ្រប់គ្រងប្រចាំប្រទេស សម្រាប់ប្រតិបត្តិការអាជីវកម្ម នៅក្នុងឆ្នាំ២០១១។
គាត់ ធ្លាប់ជាសមាជិកក្រុមប្រឹក្សាភិបាលនៃសហព័ន្ធ ICT កម្ពុជា។
ឈីន ឆៃយ៉ា
ស្ថាបនិក
Puttik Information and Media
ឈីន ឆៃយ៉ា
ឈីន ឆៃយ៉ា
ស្ថាបនិក
Puttik Information and Media
ឈីន ឆៃយ៉ា គឺជាស្ថាបនិកនៃវេទិកា Puttik Information and Media។ បច្ចុប្បន្ននេះ គាត់កំពុងធ្វើការនៅក្នុងភ្នាក់ងារមួយនៃអង្គការសហប្រជាជាតិ នៅប្រទេសកម្ពុជា។ គាត់មានបទពិសោធន៍ជាង ៨ឆ្នាំ ធ្វើការងារក្នុងវិស័យវិទ្យុ និងជាង ៧ឆ្នាំ ធ្វើការផ្នែកច្បាប់ផ្ដោតលើសិទ្ធិមនុស្ស ជាមួយអង្គការជាតិ និងអន្តរជាតិជាច្រើន។ គាត់ ធ្លាប់ជាសមាជិកនៃក្លឹបស្ដីពី សិទ្ធិទទួលបានការជំនុំជម្រះក្ដីដោយយុត្តិធម៌ ជំនាន់ដំបូង ក្នុងឆ្នាំ២០១១ ដែលដំណើរការដោយ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស(OHCHR) និង អង្គភាពគាំពារការការពារក្តី ដែលផ្តល់ចំណេះដឹងស៊ីជម្រៅអំពីការអនុវត្តសិទ្ធិទទួលបានការជំនុំជម្រះក្ដីប្រកបដោយយុត្តិធម៌ នៅអង្គជំនុំជម្រះវិសាមញ្ញក្នុងតុលាការកម្ពុជា និងតុលាការក្នុងស្រុក។ គាត់ក៏ធ្លាប់ធ្វើការជាអ្នកឃ្លាំមើលសាលាក្តីខ្មែរក្រហម (គម្រោងផ្តួចផ្តើមយុត្តិធម៌អន្តរជាតិប្រចាំអាស៊ី) និងមន្ត្រីគម្រោង នៅឯអង្គការគោលដៅយុត្តិធម៌។ គាត់ គឺជាបេក្ខជនដែលត្រូវបានជ្រើសរើស នៅក្នុងចំណោមបេក្ខជនមកពីបណ្តាប្រទេសអាស៊ានទាំង១០ ដែលត្រូវទទួលបានរង្វាន់ពីគំនិតផ្តួចផ្តើមស្តីពី មេដឹកនាំយុវជននៅអាស៊ីអាគ្នេយ៍ (YSEALI) នៃក្រសួងការបរទេសអាមេរិក ជាមួយនឹងពានរង្វាន់នេះ គាត់ត្រូវបានជ្រើសរើសឱ្យក្លាយជាអ្នកដឹកនាំយុវជន IOMX សម្រាប់អង្គការអន្ដរជាតិអន្តោប្រវេសន៍ ហើយវានឹងជួយគាត់ជាមួយគម្រោងដែលហៅថាយុវជនអាស៊ានដើម្បីបញ្ចប់ទាសភាព។ គាត់ជាមេដឹកនាំយុវជនរបស់ MTV EXIT សម្រាប់ប្រទេសកម្ពុជា ដែលគាត់បានរៀបចំព្រឹត្តិការណ៍ថ្នាក់មូលដ្ឋាន និងថ្នាក់ជាតិ ដើម្បីជួយលើកកម្ពស់ការយល់ដឹងអំពីការបង្ការការជួញដូរមនុស្ស។ គាត់បានបញ្ចប់ការសិក្សាថ្នាក់បរិញ្ញាប័ត្រច្បាប់ជាភាសាអង់គ្លេស (ELBBL) ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។
Chia-Kai Liu
នាយកប្រតិបត្តិ
ក្រុមហ៊ុន DSP
Chia-Kai Liu
Chia-Kai Liu
នាយកប្រតិបត្តិ
ក្រុមហ៊ុន DSP
Chia-Kai Liu គឺជាសហគ្រិនម្នាក់ ជាអ្នកធ្វើឱ្យមានការផ្លាស់ប្តូរ និងម្តងម្កាលធ្វើជាអ្នក civic hacker។ គាត់គឺជានាយកប្រតិបត្តិនៃក្រុមហ៊ុន DSP (https://dsp.im/) ដែលជាក្រុមហ៊ុនប្រឹក្សាយោបល់ប្រចាំនៅទីក្រុងតៃប៊ិ ផ្តោតលើការប្រើប្រាស់ការវិភាគទិន្នន័យ ដើម្បីជម្រុញការផ្លាស់ប្តូរឌីជីថលសម្រាប់វិស័យឧស្សាហកម្មនានា។ គាត់បានជួយដល់ភ្នាក់ងាររដ្ឋាភិបាលក្នុងការបង្កើតគោលនយោបាយទិន្នន័យបើកទូលាយ និងគោលនយោបាយទិន្នន័យអភិបាលកិច្ច។ គាត់ក៏ជាអ្នកសហការរៀបចំកម្មវិធី ទិន្នន័យសម្រាប់សង្គមល្អ (D4SG) (http://d4sg.org/) ដែលជាវេទិកាគាំទ្រសហគមន៍ ដោយភ្ជាប់ទំនាក់ទំនង រវាងភ្នាក់ងាររដ្ឋាភិបាល និងអង្គការមិនរកប្រាក់ចំណេញ ជាមួយនឹងអ្នកវិទ្យាសាស្ត្រផ្នែកទិន្នន័យក្នុងស្រុក។
Chiang Poren
ស្ថាបនិក
NTU Open Source Community
Chiang Poren
Chiang Poren
ស្ថាបនិក
NTU Open Source Community
Poren Chiang (a.k.a RS) គឺជានិស្សិតឆ្នាំចុងក្រោយផ្នែកច្បាប់ នៅសាកលវិទ្យាល័យជាតិតៃវ៉ាន់ និងជាស្ថាបនិកនៃ NTU Open Source Community។ ដោយកត់សម្គាល់ពីផលប៉ះពាល់នៃបច្ចេកវិទ្យា និងសារៈសំខាន់នៃសិទ្ធិរបស់បុគ្គលនីមួយៗ គាត់បានសហការជាមួយមិត្តភក្តិគាត់ ”សរសេរកម្មវិធី ដើម្បីផ្លាស់ប្តូរសង្គម”។ គាត់ឧស្សាហ៍ញ៉ាំកាហ្វេនៅជុំវិញបរិវេណសាលា សរសេរប្រៃសណីយ៍ប័ត្រ និងសរសេរកូដ។
Chit Aein Thu
ស្ថាបនិក
CCEducare Myanmar
Chit Aein Thu
Chit Aein Thu
ស្ថាបនិក
CCEducare Myanmar
Chit គឺជាអ្នកតស៊ូមតិសម្រាប់ការអប់រំប្រកបដោយគុណភាព និងការពង្រឹងភាពអង់អាចរបស់យុវជន។ បន្ទាប់ពីបញ្ចប់បរិញ្ញាបត្រផ្នែកវិទ្យាសាស្ត្រកុំព្យូទ័រ នៅសាកលវិទ្យាល័យសិក្សាកុំព្យូទ័រ នាទីក្រុងយ៉ាំងហ្គោន និងបញ្ចប់ថ្នាក់ក្រោយឧត្តមសិក្សា ផ្នែកវិភាគប្រព័ន្ធកុំព្យូទ័រ ពីសាកលវិទ្យាល័យជាតិសឹង្ហបុរី ហើយ Chit ក៏មានបទពិសោធន៍ការងារក្នុងវិស័យបច្ចេកវិទ្យា ទាំងនៅប្រទេសសឹង្ហបុរី និងមីយ៉ាន់ម៉ាផងដែរ។ បច្ចុប្បន្ននេះ Chit កំពុងរស់នៅក្នុងប្រទេសមីយ៉ាន់ម៉ា ធ្វើការលើកកម្ពស់ការអប់រំតាមរយៈបច្ចេកវិទ្យា។ គោលដៅរបស់គាត់ គឺផ្តល់ការអប់រំក្នុងតំបន់ ដែលមិនមានលទ្ធភាពទទួលបានការអប់រំ និងសាលារៀនប្រកបដោយគុណភាព។ គាត់បានចាប់ផ្តើមអង្គការ CCEducare នៅប្រទេសមីយ៉ាន់ម៉ា ចាប់តាំងពីឆ្នាំ២០១៧ និងបានរៀបចំសិក្ខាសាលាអក្ខរកម្មឌីជីថល ដោយប្រើប្រាស់ការរៀនបញ្ចូលគ្នា (ការរៀនដោយជួបផ្ទាល់ និងការរៀនលើបណ្ដាញ)។ អង្គការរបស់គាត់ផ្តល់ដំណោះស្រាយទាក់ទងនឹងការរៀនសូត្រ ដោយធ្វើការជិតស្និទ្ធជាមួយដៃគូ។ បេសកកម្មរបស់គាត់ គឺដើម្បីជួយយុវវ័យនៅប្រទេសមីយ៉ាន់ម៉ា បង្ហាញនូវសក្តានុពលភាពជាអ្នកដឹកនាំ ដោយការផ្តល់នូវការរៀនសូត្រពេញមួយជីវិត ជាមួយនឹងបច្ចេកវិទ្យាប្រកបដោយភាពច្នៃប្រឌិត រហូតបញ្ចប់ថ្នាក់ឧត្តមសិក្សា និងក្លាយទៅជាអ្នកផ្លាស់ប្តូរ នៅក្នុងសហគមន៍របស់ពួកគាត់។
ចន វីកស៍
ស្ថាបនិក
House32
ចន វីកស៍
ចន វីកស៍
ស្ថាបនិក
House32
លោក ចន វីកស៍ គឺជាអ្នកជំនាញផ្នែកប្រព័ន្ធផ្សព្វផ្សាយឌីជីថល ដែលប្រឹក្សាយោបល់លើគម្រោងព័ត៌មានវិទ្យា ប្រកបដោយការទទួលខុសត្រូវផ្នែកសង្គមជាច្រើន។ គាត់បានបង្កើតក្រុមហ៊ុនរចនាគេហទំព័រមួយឈ្មោះ House32 (ភ្នំពេញ) ហើយគាត់តែងតែចូលរួមក្នុងសហគមន៍បច្ចេកវិទ្យាក្នុងស្រុក/តំបន់ និងបានប្រឹក្សាយោបល់លើការបោះពុម្ពផ្សាយឌីជីថលជាច្រើន។ គាត់ជួយក្នុងការបង្កើត ICT4DCambodia និងបានត្រួតពិនិត្យក្រុមការងារគេហទំព័រ សម្រាប់ការអភិវឌ្ឍដំបូងនៃគេហទំព័រអង្គការទិន្នន័យអំពីការអភិវឌ្ឍ ហើយបច្ចុប្បន្ន គាត់ជាសមាជិកក្រុមប្រឹក្សាភិបាលនៃអង្គការនេះផងដែរ។
គុណ ចិន្តា
អ្នកគ្រប់គ្រងផ្នែកអនឡាញ
មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ
គុណ ចិន្តា
គុណ ចិន្តា
អ្នកគ្រប់គ្រងផ្នែកអនឡាញ
មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ
លោក គុណ ចិន្តា គឺជាអ្នកឯកទេសខាងប្រព័ន្ធផ្សព្វផ្សាយ និងព័ត៌មាន ដែលកំពុងរីកចម្រើននៅកម្ពុជា។ បច្ចុប្បន្ននេះគាត់ គឺជាអ្នកគ្រប់គ្រងផ្នែកអនឡាញ នៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM)។ មុនពេលចូលរួមជាមួយ CCIM លោកបានធ្វើការជាមន្ត្រីប្រព័ន្ធផ្សព្វផ្សាយ នៅអង្គការទស្សនៈពិភពលោកកម្ពុជា ជាជំនួយការអ្នកស្រាវជ្រាវ អ្នកកាសែតវីដេអូនៅវីអូអេខ្មែរ និងជាអ្នកផលិតខ្សែភាពយន្តឯករាជ្យ។ គាត់ក៏ជាអ្នកប្រឹក្សាយោបល់ឯករាជ្យលើប្រព័ន្ធផ្សព្វផ្សាយផងដែរ។ លោក គុណ ចិន្តា គឺជានិស្សិតឆ្នើម ដែលបញ្ចប់ការសិក្សាផ្នែកការគ្រប់គ្រងប្រព័ន្ធផ្សព្វផ្សាយ នៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកកំពុងបន្តការសិក្សាថ្នាក់អនុបណ្ឌិត ជំនាញច្បាប់សិទិ្ធមនុស្សអន្តរជាតិ នៅសាកលវិទ្យាល័យបញ្ញាសាស្ត្រកម្ពុជា។
ឡូវ ហុងថវិកា
អ្នកអភិវឌ្ឍន៍ផ្នែក Lead Blockchain
Rights Ledger
ឡូវ ហុងថវិកា
ឡូវ ហុងថវិកា
អ្នកអភិវឌ្ឍន៍ផ្នែក Lead Blockchain
Rights Ledger
ថវិកា បានចាប់ផ្តើមអាជីពរបស់គាត់ ក្នុងនាមជាអ្នកអភិវឌ្ឍន៍កម្មវិធីកុំព្យូទ័រ តាំងពីគាត់មានអាយុ ១៣ឆ្នាំ ហើយគាត់ធ្លាប់ធ្វើការងារជាមួយក្រុមហ៊ុន Bikay Web Solution & Consultancy នៅទីក្រុងភ្នំពេញ និងជាអ្នកស្រាវជ្រាវ និងអភិវឌ្ឍន៍ Blockchain នៅក្រុមហ៊ុន SmallWorld Cambodia។ បច្ចុប្បន្ន គាត់មានមុខងារជាអ្នកអភិវឌ្ឍន៍ផ្នែក Lead Blockchain នៅ Rights Ledger ដែលជាវេទិកាគ្រប់គ្រងអាជ្ញាប័ណ្ណមាតិកាវិមជ្ឈការ។
ថវិកា តែងតែស្រមៃចង់ស្វែងរកវិធីសាស្ត្រនានា ដើម្បីណែនាំនូវបច្ចេកវិទ្យាទំនើប ដូចជា Blockchain មកកាន់ប្រជាជនកម្ពុជា។ គាត់ចង់បង្ហាញពិភពលោកថា កម្ពុជាក៏មានធនធានដ៏ល្អ ក្នុងការកសាងអ្វីមួយធំធេងដូចបណ្តាប្រទេសដទៃទៀត និងជាពិសេសជាមួយបច្ចេកវិទ្យា Blockchain។
ក្រៅពីការ hack ប្រកបដោយសីលធម៌ និងការសរសេរកូដ Blockchain គាត់ចូលចិត្តជិះកង់ និងស្តាប់តន្ត្រី ដែលជួយកាត់បន្ថយភាពតានតឹង និងនាំមកនូវភាពរីករាយ។ ក្នុងចំណោមគោលដៅជាច្រើនរបស់គាត់នាពេលអនាគត គាត់មានបំណងធ្វើដំណើរជុំវិញពិភពលោក។
Akira Morita
Design Thinker
Akira Morita
Akira Morita
Design Thinker
Akira Morita គឺជាអ្នកប្រឹក្សាយោបល់គំនិតច្នៃប្រឌិតម្នាក់ ដែលមានបទពិសោធន៍រយៈពេល ១៤ ឆ្នាំមកហើយទាក់ទងនឹងការជួយអភិវឌ្ឍក្រុមការងារ ការឆ្លងកាត់ដំណាក់កាលប្រកួតប្រជែងថ្មី ការបង្កើតសេវា និងផលិតផលថ្មីៗ និងការពង្រឹងយុទ្ធសាស្ត្រ និងគោលដៅនានា។ ការផ្តោតអារម្មណ៍របស់លោកតែងតែជម្រុញឱ្យមានកិច្ចសន្ទនា និងកិច្ចសហការនានា ដែលបង្កបរិយាកាសផ្លាស់ប្តូរ តាមរយៈការនិយាយដោយស្មោះត្រង់អំពីការឆ្លងកាត់ដ៏លំបាក ដែលជាការពន្លឿនទស្សនទានបែបបើកចំហ ឬជាកិច្ចពិភាក្សាបែបទូលាយអំពីអ្វីដែលនឹងអាចកើតមានក្នុងចំណោមអ្នកដែលធ្លាប់ស្គាល់គ្នា ឬអ្នកដទៃ ដែលមានវប្បធម៌ និងជំនាញផ្សេងគ្នា។
គាត់ជាដៃគូស្ថាបនិកនៃ Design Kompany, LLC ហើយបច្ចុប្បន្នគាត់បម្រើការជាដៃគូប្រឹក្សាយោបល់សហស្ថាបនិកនៅ Anakot Asia Academy ដែលជាក្រុមហ៊ុនផ្តល់ការបណ្តុះបណ្តាលមួយ ដែលមានមូលដ្ឋាននៅរាជធានីភ្នំពេញ ក្រៅពីនោះគាត់ក៏ជាប្រធាននៃ Sandbox Architect and Community Design នៅ School of Slow Media និង TÁPI STORY។
អ៊ុក ចាន់រដ្ឋា
អនុប្រធានការិយាល័យគាំទ្រផ្នែកព័ត៌មានវិទ្យា
ក្រសួងអប់រំ យុវជន និងកីឡា
អ៊ុក ចាន់រដ្ឋា
អ៊ុក ចាន់រដ្ឋា
អនុប្រធានការិយាល័យគាំទ្រផ្នែកព័ត៌មានវិទ្យា
ក្រសួងអប់រំ យុវជន និងកីឡា
លោក អ៊ុក ចាន់រដ្ឋា គឺជាអនុប្រធានការិយាល័យគាំទ្រផ្នែកព័ត៌មានវិទ្យានៃក្រសួងអប់រំ យុវជន និងកីឡា។ លោកបានដើរតួនាទីយ៉ាងសំខាន់ក្នុងការផ្តល់ការគាំទ្រផ្នែកហេដ្ឋារចនាសម្ព័ន្ធ ICT មជ្ឈមណ្ឌលទិន្នន័យអប់រំ បណ្តាញអប់រំ និងការប្រើប្រាស់ជាទូទៅនៃ ICT។
អ៊ួន វិមល
ពណ្ណាធីការ – អ្នកស្រាវជ្រាវ
អង្គការទិន្នន័យអំពីការអភិវឌ្ឍ
អ៊ួន វិមល
អ៊ួន វិមល
ពណ្ណាធីការ – អ្នកស្រាវជ្រាវ
អង្គការទិន្នន័យអំពីការអភិវឌ្ឍ
វិមល បច្ចុប្បន្នជាពណ្ណាធីការ – អ្នកស្រាវជ្រាវនៅអង្គការទិន្នន័យអំពីការអភិវឌ្ឍ (អូឌីស៊ី)។ បន្ទាប់ពីកម្មវិធី កម្ពុជាអាយស៊ីធីខែម ឆ្នាំ២០១៨ ត្រូវបានបង្កើតឡើង គាត់បានដើរតួនាទីជាអ្នកសម្របសម្រួលក្នុងខែមនេះ។ គាត់ធ្វើការយ៉ាងជិតស្និទ្ធជាមួយអ្នកចូលរួមខែម ចាប់ទាំងពីដំណើរការដំបូងនៃជ្រើសរើសរហូតដល់បេក្ខជនត្រូវបានជ្រើសរើស ដោយចូលរួមក្នុងការជ្រើសរើស និងធ្វើការទំនាក់ទំនងជាមួយអ្នកចូលរួម។ ក្រៅពីនេះ គាត់ក៏ធ្វើការលើការបោះផ្សាយ និងបកប្រែរាល់អត្ថបទ និងប្លក់ទាំងអស់ពីភាសាអង់គ្លេសទៅជាខេមរភាសា។
ភែល ភារុណ
មន្ត្រីរដ្ឋាភិបាល
ក្រសួងអប់រំ យុវជន និងកីឡា
ភែល ភារុណ
ភែល ភារុណ
មន្ត្រីរដ្ឋាភិបាល
ក្រសួងអប់រំ យុវជន និងកីឡា
លោកភែល ភារុណ បានធ្វើការអស់រយៈពេល ១១ឆ្នាំ ទាក់ទងទៅនឹងបច្ចេកវិទ្យាអាយស៊ីធី សម្រាប់ការអប់រំនៅកម្ពុជា។ តួនាទីរបស់គាត់ គឺផ្តល់ការគាំទ្រផ្នែកបច្ចេកទេសដល់ក្រសួងដូចជា ការអភិវឌ្ឍកម្មវិធីសិក្សាជំនាញ ICT និងសៀវភៅសិក្សាសម្រាប់ការអប់រំទូទៅ/ការអប់រំបច្ចេកទេស/ការបណ្តុះបណ្តាលគ្រូបង្រៀន ជំនាញ ICT សំរាប់ការបង្រៀន និងការសិក្សា គេហទំព័រមាតិកាខ្លឹមសារអប់រំ/LMS ហេដ្ឋារចនាសម្ព័ន្ធ ICT មជ្ឈមណ្ឌលទិន្នន័យអប់រំ បណ្តាញអប់រំ មូលដ្ឋានទិន្នន័យអប់រំ ប្រព័ន្ធព័ត៌មានវិទ្យាគ្រប់គ្រងវិស័យហិរញ្ញវត្ថុសាធារណៈ (FMIS) ក្រសួងអប់រំ យុវជន និងកីឡា និងសហការជាមួយអង្គការមិនមែនរដ្ឋាភិបាលស្តីពីការអភិវឌ្ឍបច្ចេកវិទ្យាគមនាគមន៍ព័ត៌មានវិទ្យានៅកម្ពុជា។
ព្រំ ពន់វឌ្ឍន៍
មន្ត្រីសម្របសម្រួលផ្នែកស្រាវជ្រាវទិន្នន័យ និងជីអាយអេស
អង្គការទិន្នន័យអំពីការអភិវឌ្ឍ
ព្រំ ពន់វឌ្ឍន៍
ព្រំ ពន់វឌ្ឍន៍
មន្ត្រីសម្របសម្រួលផ្នែកស្រាវជ្រាវទិន្នន័យ និងជីអាយអេស
អង្គការទិន្នន័យអំពីការអភិវឌ្ឍ
ព្រំ ពន់វឌ្ឍន៍ គឺជាអ្នកសម្របសម្រួលផ្នែកមាតិកា និងទំនាក់ទំនងសម្រាប់កម្មវិធី កម្ពុជាអាយស៊ីធីខែម។ គាត់ ស្ថិតនៅក្រោមគណៈកម្មការប្រឹក្សាយោបល់ ធ្វើការសម្របសម្រួលដំណើរការនៃការជ្រើសរើស និងទំនាក់ទំនងជាមួយវាគ្មិន សម្រាប់ការអភិវឌ្ឍមាតិកានៃខែម (បទបង្ហាញ និងថ្នាក់អនុវត្តផ្ទាល់) និងការរៀបចំភស្តុភារជាដើម។
ពន់វឌ្ឍន៍ គឺជាមន្ត្រីសម្របសម្រួលផ្នែកស្រាវជ្រាវទិន្នន័យ និងជីអាយអេស នៅអង្គការទិន្នន័យអំពីការអភិវឌ្ឍ ដែលជាអង្គការទិន្នន័យបើកទូលាយ ធ្វើការឯករាជ្យក្នុងការប្រមូលផ្តុំទិន្នន័យប្រភេទភូមិសាស្ត្រ និងមិនមែនភូមិសាស្ត្រពីពហុវិស័យ ដើម្បីផ្តល់ការយល់ដឹងអំពីការអភិវឌ្ឍរបស់ប្រទេសកម្ពុជា។ គាត់មានជំនាញ ផ្នែកការគ្រប់គ្រងដីធ្លី និងរដ្ឋបាលដីធ្លី ហើយគាត់ចាប់អារម្មណ៍ក្នុងការប្រើប្រាស់បច្ចេកវិទ្យាឆ្លាតវៃផ្នែកព័ត៌មានភូមិសាស្ត្រ ដើម្បីដោះស្រាយបញ្ហាសង្គម និងបរិស្ថាន។
Pyrou Chung
ទីប្រឹក្សាជាន់ខ្ពស់
វិទ្យាស្ថានគ្រប់គ្រង បូព៌ា-បស្ចឹម
Pyrou Chung
Pyrou Chung
ទីប្រឹក្សាជាន់ខ្ពស់
វិទ្យាស្ថានគ្រប់គ្រង បូព៌ា-បស្ចឹម
Chung (ជុង) មានបទពិសោធន៍ជាច្រើនឆ្នាំក្នុងវិស័យអភិវឌ្ឍន៍លើផ្នែកអភិរក្សនិងសិទ្ធិមនុស្ស រួមទាំងការងារជាមួយគម្រោងគំនិតផ្តួចផ្តើមការអភិវឌ្ឍបើកទូលាយ (ODI) របស់វិទ្យាស្ថានគ្រប់គ្រងបូព៌ា-បស្ចឹម (EWMI) និងដៃគូអភិវឌ្ឍន៍នៅក្នុងប្រទេសកម្ពុជា ឡាវ ថៃ វៀតណាម និង មីយ៉ានម៉ា។ គាត់ជាអ្នកជំនាញខាងអេកូឡូស៊ីនិងការអភិវឌ្ឍប្រកបដោយចីរភាព ហើយបានធ្វើការលើទំនាក់ទំនងនៃអភិបាលកិច្ចបរិស្ថាន ការអភិរក្ស និងសិទ្ធិមនុស្សដោយផ្តោតលើការអនុវត្ដការរួមបញ្ចូលគ្នានៃជីវចម្រុះ ការគ្រប់គ្រងធនធានធម្មជាតិ និងគំនិតផ្តួចផ្តើមសិទ្ធិដីធ្លីជាមួយជនជាតិភាគតិច ប្រជាជនអាស្រ័យផលព្រៃឈើ ឬប្រជាជននៅតាមសហគមន៍។ មុនពេលចាប់ផ្តើមការងារជាមួយ ODI គាត់មានតួនាទីយ៉ាងសំខាន់ក្នុងកិច្ចបង្កើតបណ្តាញសហគមន៍ព្រៃឡង់និងធ្វើការសិក្សាស្រាវជ្រាវមួយចំនួន ដែលឈានដល់បង្កើត អង្គការទិន្នន័យអំពីការអភិវឌ្ឍនេះ។
រ័ត្ន សេដ្ឋា
អ្នកគ្រប់គ្រងជាន់ខ្ពស់កម្មវិធីច្នៃប្រឌិត
Development Innovations
រ័ត្ន សេដ្ឋា
រ័ត្ន សេដ្ឋា
អ្នកគ្រប់គ្រងជាន់ខ្ពស់កម្មវិធីច្នៃប្រឌិត
Development Innovations
រ័ត្ន សេដ្ឋា ជាអ្នកគ្រប់គ្រងជាន់ខ្ពស់កម្មវិធីច្នៃប្រឌិតនៅគម្រោង Development Innovations។ គាត់មានបទពិសោធយ៉ាងច្រើនក្នុងការរចនា ការអភិវឌ្ឍ និងការគ្រប់គ្រងកម្មវិធីខាងផ្នែកបច្ចេកទេស រួមទាំងការប្រើប្រាស់បច្ចេកវិទ្យាព័ត៌មាន និងទូរគមនាគមន៍ (ICTs) សម្រាប់បុព្វហេតុអភិវឌ្ឍន៍សង្គម និងប្រើប្រាស់ការរចនាដោយផ្តោតលើមនុស្ស និងការរៀបចំផែនការសម្រាប់បទពិសោធអ្នកប្រើប្រាស់ ដើម្បីជួយដៃគូអង្គការមិនមែនរដ្ឋាភិបាល និងដៃគូឯកជនក្នុងការរចនា និងអនុវត្តគម្រោង ដើម្បីទទួលបានលទ្ធផល។ សេដ្ឋា បានផ្តល់ជូននូវការបណ្តុះបណ្តាបច្ចេកវិទ្យា និងសេវាកម្មផ្តល់ប្រឹក្សាដល់ដៃគូអភិវឌ្ឍន៍ ដើម្បីជួយពួកគេសម្គាល់បញ្ហា ដែលពួកគេកំពុងព្យាយាមដោះស្រាយជាមួយបច្ចេកវិទ្យាថ្មី តាមរយៈដំណើរការរចនាដោយផ្តោតលើមនុស្ស និងជួយបង្កើតឧបករណ៍ធ្វើផែនការសម្រាប់អតិថិជន ឬបង្កើតគំរូដើមយ៉ាងលឿន (ផលិតផល/សេវាកម្មគំរូ) ដើម្បីសាកល្បងជាមួយអ្នកប្រើប្រាស់គោលដៅ។ ថ្មីៗនេះគាត់បានបោះពុម្ពផ្សាយឯកសារស្តីពី បច្ចេកវិទ្យាព័ត៌មាន និងទូរគមនាគមន៍ សម្រាប់គម្រោងអប់រំដែលមានចំណងជើងថា “ការរៀបចំរចនាសម្ព័ន្ធ៖ ការផ្លាស់ប្តូរការវាយតំលៃអំណានតាមរយៈបច្ចេកវិទ្យានៅក្នុងប្រទេសកម្ពុជា”។ តំណភ្ជាប់ទៅនឹងករណីសិក្សា៖ http://bit.ly/TEST_App_CaseStudy។
សឺកូ ខេមធឺ
នាយកប្រតិបត្តិ
101 Solutions
សឺកូ ខេមធឺ
សឺកូ ខេមធឺ
នាយកប្រតិបត្តិ
101 Solutions
រយៈពេលជាង ២០ឆ្នាំ ដែលគាត់បានធ្វើការជាមួយកម្មវិធីប្រភពកូដបើកទូលាយ គាត់បានរួមចំនែកនៅក្នុងគម្រោងប្រភពបើកទូលាយជាច្រើន ហើយរយៈពេលជាង ១០ឆ្នាំ ដែលគាត់ក្លាយជាសមាជិកក្រុមការងារឌីហ្សាញ នៃ Fedora Ambassador ដោយដើរតួនាទីជាសមាជិកនៃគណៈកម្មាធិការអចិន្ត្រៃយ៍នៃ Fedora Ambassador និងអ្នកទំនាក់ទំនងសម្រាប់តំបន់អាស៊ី - ប៉ាស៊ីហ្វិក។ គាត់បានសរសេរសៀវភៅជាច្រើន និងឯកសារបោះពុម្ពផ្សាយផ្សេងទៀត ហើយគាត់បានលើកកម្ពស់ FOSS ទូទាំងពិភពលោក ក្នុងនាមជាវាគ្មិន។ នៅពេលទំនេរគាត់ចូលចិត្តថតរូប ដែលគាត់ធ្វើការជាមួយ FOSS ក្រៅពីនេះគាត់ក៏ចូលចិត្តអាន និងចំអិនម្ហូបអាហារ។
សូផា រតនា
អ្នកប្រឹក្សាយោបល់ផ្នែក HIV Online Outreach
អង្គការ FHI 360
សូផា រតនា
សូផា រតនា
អ្នកប្រឹក្សាយោបល់ផ្នែក HIV Online Outreach
អង្គការ FHI 360
ក្នងនាមជាអតីតនិស្សិតអាហារូបករណ៍ Fulbright ម្នាក់ លោក រតនា មានជំនាញវិជ្ជាជីវៈដែលពាក់ព័ន្ធចម្រុះទៅនឹង Portfolio ដោយរាប់ចាប់តាំងពីការបង្ហាត់បង្រៀននៅតាមសាកលវិទ្យាល័យសាធារណៈ រហូតដល់ការគ្រប់គ្រងក្រុមហ៊ុនឯកជនក៏ដូចជាស្ថាប័នមិនគិតប្រាក់ចំនេញផងដែរ។ តាមរយៈបទពិសោធន៍នៅតាមសាលា និងអាជីពរបស់គាត់ លោក រតនា បានអភិវឌ្ឍចំនាប់អារម្មណ៍របស់គាត់បន្ថែមទៅលើប្រធានបទជាច្រើន រួមមានការអប់រំកម្រិតឧត្តមសិក្សា និងការជម្រុញភាពអង់អាចដល់យុវជន ការរស់នៅក្នុងទីក្រុងប្រកបដោយនិរន្តរភាព អន្តរកម្មរបស់មនុស្សនៅយុគសម័យបណ្តាញផ្សព្វផ្សាយសង្គម និងសុខភាពសាធារណៈ។ អស់រយៈពេល៥ឆ្នាំមកហើយ ដែលលោក រតនាបានចូលរួមក្នុងការបង្ការជំងឺអេដស៍ដល់ប្រជាជនកម្ពុជាដែលងាយប្រឈមនឹងជំងឺនេះ ប្រកបដោយវិជ្ជាជិវៈ ដោយលោកបានផ្តោតសំខាន់ពីរបៀបដែលព័ត៌មានទំនាក់ទំនងដែលមានស្រាប់ និងទើបមកដល់ថ្មី រួមទាំងបច្ចេកវិទ្យានានា អាចពង្រីកបន្ថែមនូវគុណតម្លៃដល់ការងារការបង្ការជំងឺអេដស៍តាមអនឡាញ និងនៅតាមកម្រិតសហគមន៍នៅក្នុងប្រទេសកម្ពុជា។
ថៅ ច័ន្ទធារីរ័ត្ន
ពណ្ណាធីការ – អ្នកស្រាវជ្រាវ
អង្គការទិន្នន័យអំពីការអភិវឌ្ឍ
ថៅ ច័ន្ទធារីរ័ត្ន
ថៅ ច័ន្ទធារីរ័ត្ន
ពណ្ណាធីការ – អ្នកស្រាវជ្រាវ
អង្គការទិន្នន័យអំពីការអភិវឌ្ឍ
បន្ថែមពីលើការងារពេញម៉ោងជាពណ្ណាធីការ – អ្នកស្រាវជ្រាវ នៅអង្គការទិន្នន័យអំពីការអភិវឌ្ឍ (អូឌីស៊ី) ធារីរ័ត្នរីករាយនឹងក្លាយជាផ្នែកមួយនៃកម្ពុជា អាយស៊ីធី ខែម ជាលើកដំបូងនៅឆ្នាំ២០១៨នេះ ក្នុងនាមជាអ្នកសម្របសម្រួលម្នាក់នៃខែមនេះ។ ធារីរ័ត្នទទួលខុសត្រូវលើកិច្ចការមួយចំនួនរួមមានការផលិតមាតិកានានា នៅលើគេហទំព័រកម្ពុជា អាយស៊ីធីខែម ព្រមទាំងការរក្សានូវគុណភាពនៃមាតិកាទាំងនោះ ឱ្យស្របតាមស្តង់ដារ និងភាពត្រឹមត្រូវរបស់អង្គការ។ លើសពីនេះទៅទៀត ធារីរ័ត្នរួមទាំងក្រុមការងារនឹងសម្របសម្រួលជាមួយវាគ្មិន និងអ្នកចូលរួម ចាប់តាំងពីមុនពេលខែម កំឡុងពេលខែម រហូតបញ្ចប់ខែម។
Thomas Wanhoff
អ្នកនិពន្ធឯករាជ្យ
Thomas Wanhoff
Thomas Wanhoff
អ្នកនិពន្ធឯករាជ្យ
Thomas Wanhoff គឺជាអ្នកនិពន្ធឯករាជ្យ អតីតអ្នកគ្រប់គ្រងគម្រោង អ្នកPodcast អ្នករៀបចំកម្មវិធីបារខែម និងវាគ្មិន នៅក្នុងកម្មវិធីបារខែម ចាប់តាំងពីឆ្នាំ២០០៨ ដែលខែមនេះមានវត្តមាននៅក្នុងតំបន់អាស៊ី ចាប់តាំងពីឆ្នាំ២០០៧ មក (ប្រទេសកម្ពុជា វៀតណាម ឡាវ និងថៃ)។ Thomas ជាជនជាតិអាឡឺម៉ង់ ដែលបច្ចុប្បន្នគាត់កំពុងរស់នៅ ក្នុងខេត្តសៀមរាប។
ធី ទ្រី
នាយកប្រតិបត្តិ/និពន្ធនាយក
អង្គការទិន្នន័យអំពីការអភិវឌ្ឍ
ធី ទ្រី
ធី ទ្រី
នាយកប្រតិបត្តិ/និពន្ធនាយក
អង្គការទិន្នន័យអំពីការអភិវឌ្ឍ
ធី ទ្រី ជានាយកប្រតិបត្តិ/និពន្ធនាយកនៃអង្គការទិន្នន័យអំពីការអភិវឌ្ឍ (អូឌីស៊ី)។ ក្នុងរយៈពេល ១០ឆ្នាំ ចុងក្រោយនេះ គាត់បានលើកកម្ពស់ទិន្នន័យបើកទូលាយ សហគមន៍ទិន្នន័យបើកទូលាយរឹងមាំ និងកិច្ចសន្យាបើកទូលាយ ដើម្បីលើកកម្ពស់តម្លាភាព និងគណនេយ្យភាព សម្រាប់ការអភិវឌ្ឍន៍ប្រកបដោយចីរភាពនៅក្នុងប្រទេសកម្ពុជា និងតំបន់មេគង្គទាំងមូល។
ក្នុងនាមជានាយកប្រតិបត្តិ/និពន្ធនាយក គាត់បានដើរតួយ៉ាងសំខាន់ក្នុងការបង្កើនការចូលប្រើជាសាធារណៈនូវទិន្នន័យបច្ចុប្បន្ន និងប្រវត្តិសាស្ត្រ និងព័ត៌មានអំពីនិន្នាការនៃការអភិវឌ្ឍរបស់ប្រទេសកម្ពុជា។ គេហទំព័រទិន្នន័យបើកទូលាយ អូឌីស៊ី គឺជាវិធីចម្បង សម្រាប់ចងក្រងទិន្នន័យដែលអាចរកបានដោយសេរីពីប្រភពសាធារណៈជាច្រើន។
នៅឆ្នាំ២០១៥ គាត់បានចូលរួមក្នុងកម្មវិធីមេគង្គអាយស៊ីធីខែម នៅប្រទេសថៃ ក្នុងនាមជាអ្នកចូលរួម ហើយបន្ទាប់មកក្នុងឆ្នាំ២០១៧ អង្គការរបស់គាត់ទទួលបានឱកាសល្អក្នុងការធ្វើជាម្ចាស់ផ្ទះ មេគង្គអាយស៊ីធីខែម នៅឆ្នាំ២០១៧ នៅខាងក្រៅប្រទេសថៃ។ បន្ទាប់ពីការរៀបចំកម្មវិធីនេះប្រកបដោយជោគជ័យ អង្គការអូឌីស៊ីត្រូវបានលើកទឹកចិត្តដោយសមាជិកគណៈកម្មាធិការនៃមេគង្គអាយស៊ីធីខែម និងសហគមន៍ទិន្នន័យបើកទូលាយដើម្បីរៀបចំ កម្ពុជាអាយស៊ីធីខែមជាលើកដំបូងនៅឆ្នាំ២០១៨។ ទ្រីក៏ដើរតួយ៉ាងសំខាន់នៅក្នុងយុទ្ធនាការកៀរគរថវិកាសម្រាប់កម្មវិធីនេះផងដែរ។
ទ្រី គឺជាសមាជិកម្នាក់នៃគណៈកម្មាធិការប្រឹក្សាយោបល់របស់មជ្ឈមណ្ឌលសាកលដើម្បីសិក្សាតំបន់មេគង្គ (GCMS) នៅកម្ពុជា។
Victor Logos
ស្ថាបនិក និងនាយកប្រតិបត្តិ
Cambo Market
Victor Logos
Victor Logos
ស្ថាបនិក និងនាយកប្រតិបត្តិ
Cambo Market
Victor Logos គឺជាស្ថាបនិក និងនាយកប្រតិបត្តិ នៃ Cambo Market ដែលជាសេវាកម្មដឹកជញ្ជូនគ្រឿងទេសដោយឥតគិតថ្លៃ នៅទីក្រុងភ្នំពេញ និងខេត្តសៀមរាប។ គាត់ក៏ជានាយកប្រតិបត្តិ នៃភ្នាក់ងារឌីជីថល ដែលហៅថា Smart Management Systems។
គាត់ចូលចិត្តការងារទាក់ទងនឹងគេហទំព័រ ដើរកំសាន្ត និងជាអ្នកសរសេរប្លុកក្រៅម៉ោង ហើយគាត់បានចូលរួមក្នុងបណ្ដាញទាក់ទងនឹងគេហទំព័រ តាំងពីឆ្នាំ២០១២។ គោលដៅចម្បងរបស់គាត់គឺ ចូលរួមចំណែកក្នុងដំណើរការឌីជីថលនៅកម្ពុជា និងបង្កើតផលិតផលឌីជីថល ដែលអាចប្រើប្រាស់ប្រចាំថ្ងៃបានយ៉ាងងាយស្រួល ដល់ប្រជាជនកម្ពុជា។
វឿន លក្ខណា
អ្នកចាត់ការទូទៅ
វិទ្យាស្ថានសាន់រ៉ាយស៍
វឿន លក្ខណា
វឿន លក្ខណា
អ្នកចាត់ការទូទៅ
វិទ្យាស្ថានសាន់រ៉ាយស៍
វឿន លក្ខណា គឺជាសមាជិកនៃសហគមន៍មួយនៅទូទាំងពិភពលោក ដែលព្យាយាមផ្តល់ការបណ្ដុះបណ្ដាលដល់ អ្នកជំនាញបច្ចេកវិទ្យាព័ត៌មានជំនាន់ក្រោយ។ គាត់ទទួលបានការសិក្សាក្នុងជំនាញប្រព័ន្ធបណ្តាញ (Cisco Course) អស់រយៈពេលជិត ៨ឆ្នាំ មកហើយ បច្ចុប្បន្ននេះ គាត់កំពុងបម្រើការជាអ្នកគ្រប់គ្រងទូទៅ នៅវិទ្យាស្ថានសាន់រ៉ាយស៍។ មុនពេលគាត់មកបម្រើការជាមួយវិទ្យាស្ថានសាន់រ៉ាយស៍ គាត់ធ្លាប់ជាអ្នកហាត់ការ និងធ្វើការនៅសាកលវិទ្យាល័យន័រតុន ក្រុមហ៊ុនទូរស័ព្ទ Smart Mobile អគារ Skyline Apartment ក្រុមហ៊ុន Passerelles numériques Cambodia (PNC) និងគ្រឹះស្ថានមីក្រូហិរញ្ញវត្ថុ អេអឹមខេ ហើយគាត់តែងតែចូលរួមក្នុងវិស័យបច្ចេកវិទ្យាព័ត៌មានវិទ្យាជានិច្ច។ ចុងបញ្ចប់ លក្ខណា ធ្លាប់បានចូលរួមនៅក្នុងកម្មវិធី មេគង្គអាយស៊ីធីខែម កាលពីឆ្នាំមុន ហើយក្រុមរបស់គាត់ទទួលបានជ័យលាភី សម្រាប់ “ពានរង្វាន់គ្រាប់ពូជ” ដែលត្រូវបានផ្តល់ឱ្យគំរូគម្រោងដ៏ល្អបំផុតចំនួន ៥ គម្រោង (មួយរង្វាន់សម្រាប់ប្រទេសនីមួយៗ នៅក្នុងមហាអនុតំបន់ទន្លេមេគង្គ)។ នៅឆ្នាំនេះ លក្ខណានឹងចែករំលែកអំពីគម្រោងរបស់ក្រុមគាត់ ឈ្មោះថា Cam Lost And Found និងធ្វើជាវាគ្មិនលើប្រធានបទ “ការណែនាំអំពីសន្តិសុខតាមប្រព័ន្ធអ៊ីនធើណិត”។
Win Hla Hla
នាយកប្រតិបត្តិ និងស្ថាបនិក
360ed
Win Hla Hla
Win Hla Hla
នាយកប្រតិបត្តិ និងស្ថាបនិក
360ed
Hla Hla កំពុងមានបេសកកម្មមួយដើម្បីអភិវឌ្ឍការរៀនសូត្រ និងធ្វើឱ្យមនុស្សគ្រប់រូប អាចមានលទ្ធភាពទទួលបានការអប់រំប្រកបដោយគុណភាព តាមរយៈការប្រើប្រាស់បច្ចេកវិទ្យាVirtual Reality បច្ចេកវិទ្យាAugmented Reality និងបច្ចេកវិទ្យាទូរស័ព្ទដៃផ្សេងទៀត។ បន្ទាប់ពីបញ្ចប់ថ្នាក់បរិញ្ញាបត្រជាន់ខ្ពស់ផ្នែករដ្ឋបាលសាធារណៈ នៅសាកលវិទ្យាល័យ Harvard Kennedy School of Government គាត់បានបង្កើតក្រុមហ៊ុនបច្ចេកវិទ្យាអប់រំ ដែលមានមូលដ្ឋាននៅមជ្ឈមណ្ឌលស្រាវជ្រាវរបស់អង្គការណាសា នៅតំបន់ Silicon Valley។
360ed កំពុងផ្តល់ការប្រឹក្សាផ្នែកគោលនយោបាយ ការបណ្តុះបណ្តាលគ្រូបង្រៀន និងការដាក់បញ្ចូលបច្ចេកវិទ្យាច្នៃប្រឌិតទៅក្នុងគរុកោសល្យ នៅតំបន់អាស៊ីអាគ្នេយ៍ ដោយចាប់ផ្តើមពីប្រទេសមីយ៉ាន់ម៉ា។ ការងាររបស់ពួកគាត់ត្រូវបានទទួលស្គាល់ដោយអង្គការយូណេស្កូ ហើយទទួលបានពានរង្វាន់សម្រាប់ការច្នៃប្រឌិតក្នុងបច្ចេកវិទ្យាឌីជីថល នៅខែកុម្ភៈ ឆ្នាំ២០១៨។
បច្ចុប្បន្ននេះ Hla Hla ជានាយកប្រតិបត្តិនៃការិយាល័យប្រចាំនៅប្រទេសមីយ៉ាន់ម៉ា និងធ្វើការលើគម្រោង EdTech ដែលនឹងនាំមកនូវផលប៉ះពាល់ដែលអាចវាស់វែងបាន ភ្លាមៗ និងកំណើនជាលំដាប់ ក្នុងការផ្លាស់ប្តូរការអប់រំថ្នាក់ជាតិ និងលើសពីនេះទៀត។