លោក Christopher McCarthy គឺជាអ្នកជំនាញផ្នែកបរិវត្ដកម្មឌីជីថលនិងបច្ចេកវិទ្យាដែលមានបទពិសោធជាង២៥ឆ្នាំក្នុងការផ្ដល់នូវដំណោះស្រាយសម្រាប់អង្គការក្រៅរដ្ឋាភិបាល រដ្ឋាភិបាល និងក្រុមហ៊ុនឯកជនចម្រុះជាតិ។ ជាមួយនឹងបទពិសោធនៅទូទាំងទ្វីបអាស៊ី និងការយល់ដឹងយ៉ាងស៊ីជម្រៅអំពីបរិយាកាសមូលដ្ឋាន លោក Chris នាំមកនូវវិធីសាស្ដ្រគិតតាមប្រព័ន្ធ និងការរចនាផ្តោតលើមនុស្ស ដើម្បីដោះស្រាយបញ្ហាប្រឈមដ៏ស្មុគស្មាញក្នុងពិភពលោកនាពេលបច្ចុប្បន្ននេះ។ លោកគឺជានាយកប្រតិបត្តិនៃ MangoTango Asia ដែលជាក្រុមហ៊ុនប្រឹក្សាយោបល់ផ្នែកគ្រប់គ្រង និងទំនាក់ទំនងជាយុទ្ធសាស្ត្រនៅអាស៊ីអាគ្នេយ៍តាំងពីឆ្នាំ២០១៤។ ក្រៅពីតួនាទីជាស្ថាបនិក សហគ្រិន និងអ្នកណែនាំ លោក Chris បានធ្វើជាអ្នកគ្រប់គ្រងជាន់ខ្ពស់នៅធុរកិច្ចថ្មីចំនួន៧ ចាប់ពី Silicon Valley ដល់ក្រុងញូវយ៉ក និងបន្ដដល់ប្រទេសសិង្ហបុរី ហើយលោកក៏បានបង្រៀនពីបរិវត្ដកម្មឌីជីថលនៅសាកលវិទ្យាល័យ Princeton សាកលវិទ្យាល័យជាតិសិង្ហបុរី កូឡុំប៊ី និងសាកលវិទ្យាល័យញូវយ៉ក។ លោក Chris មានសញ្ញាបត្រផ្នែកនរវិទ្យានិងអប់រំ ពីសាកលវិទ្យាល័យកូឡុំប៊ី ក្នុងក្រុងញូវយ៉ក និងវិញ្ញាបនបត្រអំពីការតាក់តែងគោលនយោបាយសាធារណៈពីសាលាគោលនយោបាយសាធារណៈលីក្វាន់យូ ក្នុងប្រទេសសិង្ហបុរី។ លោកស្ម័គ្រចិត្តនៅអង្គការសង្គមស៊ីវិល
លោកស្រី Nancy នាំយកបទពិសោធជាសកលរបស់ខ្លួនក្នុងផ្នែកបច្ចេកវិទ្យា យុទ្ធសាស្រ្ត និងការអភិវឌ្ឍប្រកបដោយចីរភាពមកអាស៊ីអាគ្នេយ៍ ក្នុងនាមជាប្រធានផ្នែកយុទ្ធសាស្រ្តនៅ MangoTango Asia ដែលជាក្រុមហ៊ុនបរិវត្ដកម្មឌីជីថលធ្វើការដើម្បីភាពរីកចម្រើនក្នុងសង្គមនៅតំបន់អាស៊ីចាប់តាំងពីឆ្នាំ២០១៤មក។ បទពិសោធរបស់លោកស្រីរួមមានការអនុវត្ដគម្រោងក្នុងវិស័យសាធារណៈនិងឯកជនសម្រាប់អង្គការនានា ដូចជា USAID មូលនិធិអាស៊ី GIZ UNDP ក្រុមហ៊ុន Microsoft ក្រុមហ៊ុន IBM និងមានជាច្រើនទៀត។ លោកស្រី Nancy មានការយល់ដឹងស៊ីជម្រៅអំពីប្រទេសកម្ពុជា ហើយបានរស់នៅនិងធ្វើការនៅទីនោះអស់រយៈពេល១០ឆ្នាំ ហើយ ដោយធ្វើការដើម្បីបង្កើតឱ្យមានការផ្លាស់ប្តូរនៅក្នុងប្រទេសដែលមានការវិវត្ដយ៉ាងឆាប់រហ័សនេះ។ គម្រោងទាំងនោះរួមមាន អក្ខរកម្មឌីជីថលនិងគំនិតផ្តួចផ្តើមបរិវត្ដកម្មឌីជីថល ការតស៊ូមតិគោលនយោបាយឌីជីថល កម្មវិធីគាំទ្រសហគ្រិនស្ត្រី និងគំនិតផ្តួចផ្តើមដើម្បីលើកកម្ពស់ការអប់រំនិងបណ្តុះបណ្តាលវិជ្ជាជីវៈ។ លោកស្រីគឺជាវាគ្មិនដ៏សកម្មលើប្រធានបទស្ត្រីក្នុងវិស័យបច្ចេកវិទ្យា និងការបៀតបៀននិងហិង្សាផ្អែកលើយេនឌ័រតាមអនឡាញ។ លោកស្រី Nancy មានបរិញ្ញាបត្រជាន់ខ្ពស់ផ្នែកចិត្ដវិទ្យាសង្គមនិងស្ថិតិ ពីសាកលវិទ្យាល័យកូឡុំប៊ី ក្រុងញូវយ៉ក និងបរិញ្ញាបត្រផ្នែកចិត្ដវិទ្យា ពីមហាវិទ្យាល័យ Wellesley នៃរដ្ឋ
លោកស្រី Saowalak Jingjungvisut គឺជាអ្នកតស៊ូមតិប្រកបដោយឆន្ទៈក្នុងការផ្តល់សិទ្ធិអំណាចដល់យុវជន ស្ត្រី និងសហគមន៍ងាយរងគ្រោះតាមរយៈការប្រើប្រាស់បច្ចេកវិទ្យា។ មានមូលដ្ឋាននៅក្នុងប្រទេសថៃ បច្ចុប្បន្នលោកស្រីបម្រើការជាអ្នកគ្រប់គ្រងភាពជាដៃគូ និងទំនាក់ទំនងគម្រោងកិច្ចផ្តួចផ្តើម Open Development Initiative នៃវិទ្យាស្ថានគ្រប់គ្រងបូព៌ាបញ្ចឹមហៅកាត់ថា(EWMI-ODI ) ក្នុងតួនាទីនេះ Saowalak ត្រូវបានផ្តោតសំខាន់់លើការស្រាវជ្រាវ និងរៀបចំមាតិកាសម្រាប់វេទិកាដូចជា Open Development Mekong (ODM) និង Open Development Thailand (ODT) ដែល លើកកម្ពស់ប្រព័ន្ធអេកូព័ត៌មានបរិយាបន្ន ដែលអាចចូលដំណើរការបាន និងតម្លាភាព។ ជាមួយនឹងសាវតារដ៏រឹងមាំក្នុងផ្នែកទំនាក់ទំនង លោកស្រី Saowalak
លោក Ekmongkhon Puridej គឺជាអ្នកស្រាវជ្រាវនៅវិទ្យាស្ថាន Asia Centre។ លោកចូលរួមក្នុងសកម្មភាពស្រាវជ្រាវ រៀបចំបទសម្ភាសន៍ និងការពិភាក្សាជាក្រុម ហើយដើរតួនាទីសំខាន់ក្នុងការធ្វើការសិក្សាមូលដ្ឋាន ធ្វើបទអត្ថាធិប្បាយ អត្ថបទលើគេហទំព័រ និងការបោះពុម្ពផ្សេងទៀតសម្រាប់វិទ្យាស្ថាន។ លោកមានបរិញ្ញាបត្រផ្នែកវិទ្យាសាស្ដ្រនយោបាយ ជំនាញទំនាក់ទំនងអន្ដរជាតិពីសកលវិទ្យាល័យ Chulalongkorn ប្រទេសថៃ។
លោក Merl គឺជាប្រធានក្រុមនៃទិន្នន័យ ក្បួនដោះស្រាយ (algorithms) និងគោលនយោបាយ (DAP) នៅ LIRNEasia ។ ថ្មីៗនេះ លោកបានដឹកនាំកិច្ចខិតខំប្រឹងប្រែងនៃមជ្ឈមណ្ឌលស្រាវជ្រាវមួយក្នុងចំណោមមជ្ឈមណ្ឌលស្រាវជ្រាវពីរនៅអាស៊ី ដែលបានរួមចំណែកដល់ការបោះពុម្ពផ្សាយសន្ទស្សន៍សកលស្តីពីការទទួលខុសត្រូវបញ្ញាសិប្បនិម្មិត។ ថ្មីៗនេះ គាត់បានបម្រើការនៅក្នុងក្រុមការងារស្រីលង្កាសម្រាប់យុទ្ធសាស្រ្តជាតិសម្រាប់បញ្ញាសិប្បនិម្មិត ជាកន្លែងដែលគាត់បានជំរុញកិច្ចខិតខំប្រឹងប្រែងលើការជឿទុកចិត្ត សុវត្ថិភាព និងការទទួលខុសត្រូវបញ្ញាសិប្បនិម្មិត។ មុនពេលចូលរួមជាមួយ LIRNEasia Merl គឺជាសមាជិកក្រុមនៃអង្គភាពវិភាគនៃក្រសួងគោលនយោបាយជាតិ និងកិច្ចការសេដ្ឋកិច្ច ប្រទេសស្រីលង្កា។
លោកបណ្ឌិត Marc Piñol Rovira ជាប្រធានផ្នែកស្រាវជ្រាវ និងជាអ្នកគ្រប់គ្រងប្រតិបត្តិការរបស់ក្រុមស្រាវជ្រាវនៅមជ្ឈមណ្ឌលអាស៊ី។ លោកទទួលខុសត្រូវចំពោះផ្នែកបណ្ណាធិការនៃការបោះពុម្ពផ្សាយរបស់មជ្ឈមណ្ឌល និងធានានូវការស្រាវជ្រាវប្រកបដោយវិជ្ជាជីវៈ និងក្រមសីលធម៌ ដែលធ្វើឡើងដោយបុគ្គលិកក៏ដូចជាអ្នកស្រាវជ្រាវពីខាងក្រៅ។ លោកបានទទួលសញ្ញាប័ត្របណ្ឌិតផ្នែកនយោបាយពីសាកលវិទ្យាល័យ Bristol ក្នុងចក្រភពអង់គ្លេស ហើយក៏ជាកន្លែងដែលគាត់ជាសាស្ត្រាចារ្យផ្នែកនយោបាយ និងទំនាក់ទំនងអន្តរជាតិផ្តោតលើយុត្តិធម៌សកលផងដែរ។ ការស្រាវជ្រាវរបស់លោកផ្តោតលើសង្គមស៊ីវិល និងការចូលរួមនយោបាយនៅអាស៊ីអាគ្នេយ៍ក្នុងយុគសម័យឌីជីថល។ មុនពេលចូលបម្រើការងារនៅមជ្ឈមណ្ឌលអាស៊ី លោកបណ្ឌិត Piñol Rovira គឺជាអ្នកស្រាវជ្រាវនៅវិទ្យាស្ថានកម្ពុជាសម្រាប់កិច្ចសហប្រតិបត្តិការ និងសន្តិភាព។
លោក ស្រេង សារ៉ែន គឺជាអ្នកប្រឹក្សាផ្នែកសន្តិសុខឌីជីថលចាប់តាំងពីឆ្នាំ២០១៨ ដោយផ្តល់ការបណ្តុះបណ្តាល ប្រឹក្សាយោបល់ និងជួយគាំទ្របច្ចេកទេសផ្នែកសន្តិសុខឌីជីថលដល់អង្គការសង្គមស៊ីវិលនៅកម្ពុជា។ គាត់ក៏ជាអ្នកសរសេរមាតិកាចែករំលែកលើគេហទំព័រ DigitalHub101 ដែលជាគេហទំព័រភាសាខ្មែរ ផ្តល់ចំណេះដឹងពីសុវត្ថិភាពតាមប្រព័ន្ធអ៊ីនធឺណិត គោលការណ៍ណែនាំ និងគន្លឹះការពារសុវត្ថិភាពតាមអនឡាញ ដើម្បីលើកកម្ពស់ចំណេះដឹងផ្នែកអក្ខរកម្មសន្តិសុខឌីជីថល និងដើម្បីចូលរួមកាត់បន្ថយការគំរាមកំហែងសុវត្ថិភាពតាមអ៊ីនធឺណិតដែលកំពុងមានការកើនឡើងនៅកម្ពុជា។
លោក ង៉ែត ម៉ូសេ ជាអ្នកប្រឹក្សាផ្នែកសន្ដិសុខលើប្រព័ន្ធឌីជីថល។ លោកបានទទួលបទពិសោធន៍ការងារពីអង្គការសង្គមស៊ីវិលនៅក្នុងប្រទេសកម្ពុជា ដូចជាការធ្វើការតស៊ូមតិ ការអប់រំស្ដីពីច្បាប់ សិទ្ធិមនុស្ស សិទ្ធិការងារ និងសិទ្ធិឌីជីថល។ លោក ម៉ូសេ ធ្លាប់បម្រើការជាអ្នកសម្របសម្រួលគម្រោងប្រព័ន្ធផ្សព្វផ្សាយ និងទំនាក់ទំនង និងជាប្រធានគម្រោងបច្ចេកវិទ្យាគមនាគមន៍ និងព័ត៌មានវិទ្យាចាប់ពីឆ្នាំ ២០០៨ ដល់ឆ្នាំ ២០១៨ ហើយក្រោយមកជាអ្នកជំនាញសន្តិសុខលើប្រព័ន្ធឌីជីថលចាប់ពីឆ្នាំ ២០១៨ ដល់ឆ្នាំ ២០២០។ ក្នុងរយៈពេលពីរឆ្នាំចុងក្រោយនេះ លោកបានធ្វើការនៅក្នុងគម្រោងជាច្រើនពាក់ព័ន្ធនឹងសន្តិសុខនៅលើប្រព័ន្ធឌីជីថល ក្នុងនាមជាអ្នកប្រឹក្សាឯកជន។ លោកជាសហស្ថាបនិករបស់ &8220;វេទិកាអ៊ីនធឺណិតបើកទូលាយ&8221; ដែលជាព្រឹត្តិការណ៍មួយផ្ដោតទៅលើសិទ្ធិឌីជីថល បង្កើតឡើងដើម្បីលើកកម្ពស់សុវត្ថិភាពឌីជីថល និងការអនុវត្តប្រកបដោយសុវត្ថិភាពក្នុងចំណោមយុវជនកម្ពុជា។ លោកមានជំនាញ និងបទពិសោធន៍ទាក់ទងនឹងសន្ដិសុខលើប្រព័ន្ធឌីជីថលជាង១០ឆ្នាំ និងធ្វើការនៅក្នុងគម្រោងជាច្រើនដូចជា អ្នកការពារសិទ្ធិមនុស្សនៅក្នុងយុគសម័យអ៊ីនធឺណឺត ទប់ស្កាត់ការរឹតត្បិតនៅក្នុងប្រព័ន្ធអនឡាញ និងលើកកម្ពស់ការទទួលបានការប្រើប្រាស់អ៊ីនធឺណឺត