ឡូវ ហុងថវិកា
ថវិកា បានចាប់ផ្តើមអាជីពរបស់គាត់ ក្នុងនាមជាអ្នកអភិវឌ្ឍន៍កម្មវិធីកុំព្យូទ័រ តាំងពីគាត់មានអាយុ ១៣ឆ្នាំ ហើយគាត់ធ្លាប់ធ្វើការងារជាមួយក្រុមហ៊ុន Bikay Web Solution & Consultancy នៅទីក្រុងភ្នំពេញ និងជាអ្នកស្រាវជ្រាវ និងអភិវឌ្ឍន៍ Blockchain នៅក្រុមហ៊ុន SmallWorld Cambodia។ បច្ចុប្បន្ន គាត់មានមុខងារជាអ្នកអភិវឌ្ឍន៍ផ្នែក Lead Blockchain នៅ Rights Ledger ដែលជាវេទិកាគ្រប់គ្រងអាជ្ញាប័ណ្ណមាតិកាវិមជ្ឈការ។
ថវិកា តែងតែស្រមៃចង់ស្វែងរកវិធីសាស្ត្រនានា ដើម្បីណែនាំនូវបច្ចេកវិទ្យាទំនើប ដូចជា Blockchain មកកាន់ប្រជាជនកម្ពុជា។ គាត់ចង់បង្ហាញពិភពលោកថា កម្ពុជាក៏មានធនធានដ៏ល្អ ក្នុងការកសាងអ្វីមួយធំធេងដូចបណ្តាប្រទេសដទៃទៀត និងជាពិសេសជាមួយបច្ចេកវិទ្យា Blockchain។
ក្រៅពីការ hack ប្រកបដោយសីលធម៌ និងការសរសេរកូដ Blockchain គាត់ចូលចិត្តជិះកង់ និងស្តាប់តន្ត្រី ដែលជួយកាត់បន្ថយភាពតានតឹង និងនាំមកនូវភាពរីករាយ។ ក្នុងចំណោមគោលដៅជាច្រើនរបស់គាត់នាពេលអនាគត គាត់មានបំណងធ្វើដំណើរជុំវិញពិភពលោក។