ប្លក់

លោក Thomas Honnet គឺជាអ្នកជំនាញផ្នែកច្បាប់ ឯកទេសលើច្បាប់ឌីជីថល និងបរិវត្ដកម្មឌីជីថល ហើយបច្ចុប្បន្ន លោកគឺជាមន្ដ្រីផ្នែកការការពារទិន្នន័យសម្រាប់ក្រុងម៉ាកសី ដែលជាទីក្រុងធំលំដាប់ទីពីររបស់ប្រទេសបារាំង។ កន្លងមក លោកបានផ្ដល់ការប្រឹក្សាដល់ធុរកិច្ចថ្មីជាច្រើនក្នុងការអនុលោមសកម្មភាពរបស់ពួកគេឱ្យស្របតាមបទប្បញ្ញត្តិរួមនៃការការពារទិន្នន័យ (GDPR) និងបទប្បញ្ញត្តិបច្ចុប្បន្នស្តីពីការការពារទិន្នន័យផ្ទាល់ខ្លួន។ លោកក៏បានផ្ដល់ការប្រឹក្សាដល់រដ្ឋាភិបាលវៀតណាមក្នុងការអនុវត្តរដ្ឋាភិបាលអេឡិចត្រូនិករបស់ខ្លួន និងក្របខណ្ឌច្បាប់ពាក់ព័ន្ធទាំងមូល។ លោកក៏បានធ្វើការជាមួយក្រសួងមួយចំនួនរបស់បារាំងលើបញ្ហាច្បាប់ផ្សេងៗ ហើយបានបញ្ចប់បេសកកម្មសម្រាប់អង្គការសហប្រជាជាតិ និងកម្មវិធីអភិវឌ្ឍន៍នោះ លើការការពារទិន្នន័យទូទាំងពិភពលោក។ ថ្មីៗនេះ លោកបានធ្វើការជាមួយក្រសួងប្រៃសណីយ៍ និងទូរគមនាគមន៍នៅកម្ពុជាលើបទប្បញ្ញត្តិការពារទិន្នន័យ។

លោក Thomas Honnet ចំណាយពេលវេលាជាច្រើនរបស់ខ្លួនលើការបង្រៀន និងផ្ដល់ការបណ្តុះបណ្តាលវិជ្ជាជីវៈ។ លោកបង្រៀនមុខវិជ្ជាវប្បធម៌ឌីជីថលនៅសកលវិទ្យាល័យ​ស្រាវជ្រាវអន្ដរជាតិ Sciences Po និងមុខវិជ្ជាច្បាប់ផ្សេងទៀត ដូចជាច្បាប់ឌីជីថល និងច្បាប់​ពាណិជ្ជកម្មព្រហ្មទណ្ឌ នៅសកលវិទ្យាល័យ​ឈាន​មុខរបស់​ប្រទេសបារាំង (Sorbonne, Assas និងនៅក្នុងក្រុងភ្នំពេញ និងក្រុងហូជីមិញផងដែរ)។ លោកក៏បានបង្កើតវគ្គសិក្សានៅលើថ្នាលសិក្សាឌីជីថល OpenClassrooms​ អំពីអភិបាលកិច្ចទិន្នន័យ​ និងធ្លាប់ជាគ្រូបណ្ដុះបណ្ដាលនៅវិទ្យាស្ថានជាតិសេវាសាធារណៈ​ ដែលជាសាលាឈានមុខរបស់ប្រទេសបារាំងសម្រាប់មន្ត្រីរាជការជាន់ខ្ពស់។