សូមស្វាគមន៍ការចូលមកកាន់គេហទំព័រ កម្ពុជា អាយស៊ីធីខែម។ សូមអានព័ត៌មាននៅខាងក្រោម ដែលទាក់ទងនឹងលក្ខខណ្ឌនៃការប្រើប្រាស់ ដែលជាការកំណត់លើការចូល និងការប្រើប្រាស់ទិន្នន័យនៃគេហទំព័ររបស់កម្ពុជា អាយស៊ីធី ខែមនេះ។
នៅពេលអ្នកប្រើប្រាស់គេហទំព័រកម្ពុជា អាយស៊ីធី ខែម អ្នកទទួលស្គាល់ថា អ្នកបានអាន យល់ និងព្រមទទួលយកនូវលក្ខខណ្ឌនានា ដែលបានចែងនៅក្នុងលក្ខខណ្ឌនៃការប្រើប្រាស់ ដែលអាចចាត់ជា កិច្ចព្រមព្រៀងស្របច្បាប់ដែលអ្នកមានជាមួយនឹងក្រុមការងារកម្ពុជា អាយស៊ីធីខែម។
ក្នុងករណីដែលអ្នកមិនអាច ឬមិនចង់អនុវត្តតាមលក្ខខណ្ឌនៃការប្រើប្រាស់របស់កម្ពុជា អាយស៊ីធីខែម សូមអ្នកបញ្ឈប់ការប្រើប្រាស់គេហទំព័រកម្ពុជា អាយស៊ីធីខែម ប្រសិនបើអ្នកបន្តប្រើប្រាស់គេហទំព័រនេះ អ្នកនឹងត្រូវទទួលយកលក្ខខណ្ឌដួចដែលបានចែង។
យើងសូមរក្សាសិទ្ធិគ្រប់ពេលវេលា ដើម្បីកែប្រែលក្ខខណ្ឌនៃការប្រើប្រាស់របស់យើង ដោយការសម្រេចចិត្តរបស់យើង។
ការប្រើប្រាស់ទិន្នន័យ
នៅពេលអ្នកប្រើប្រាស់គេហទំព័រកម្ពុជា អាយស៊ីធី ខែម អ្នកយល់ព្រមអនុវត្តតាមគោលការណ៍ដូចខាងក្រោម៖
- អ្នកយល់ព្រមមិនរំលោភលើច្បាប់ សិទ្ធិ ឬបទបញ្ញត្តិណាមួយឡើយ។
- អ្នកយល់ព្រមមិនចូលរួមក្នុងការប្រព្រឹត្ដសកម្មភាពណា ដែលអាចចាត់ទុកថាជារឿងព្រហ្មទណ្ឌ ប្រមាថ មើលងាយ មិនសមរម្យ ការនិយាយអាសអាភាស ការរើសអើងពូជសាសន៍ ឬជាតិសាសន៍ បង្កឱ្យមានគ្រោះថ្នាក់ ការរំខាន ការបំភិតបំភ័យ ការគំរាមកំហែង ការស្អប់ខ្ពើម ឬការរំលោភបំពាន។
- អ្នកយល់ព្រមទទួលខុសត្រូវទាំងស្រុង ចំពោះការពឹងផ្អែកលើព័ត៌មានដែលទទួលបានពីគេហទំព័រនេះ និងមិនមានការប្រកាន់ រួមទាំងលះបង់រាល់ការទទួលខុសត្រូវចំពោះបុគ្គល ឬអង្គភាពដែលពាក់ព័ន្ធនឹងការអភិវឌ្ឍ សំណុំបែបបទ និងខ្លឹមសារ សម្រាប់ការបាត់បង់ ការបង្កគ្រោះថ្នាក់ ឬការខូចខាតដែលបានកើតឡើងដោយសារការប្រើប្រាស់ព័ត៌មានទាំងនោះ។
- អ្នកយល់ស្របជាមួយនឹងគោលនយោបាយបោះពុម្ភផ្សាយរបស់កម្ពុជា អាយស៊ីធី ខែម។ អ្នកត្រូវដឹងថា រាល់សម្ភារៈទាំងអស់ដែលបានបង្ហាញ ឬផលិតដោយអ្នកចូលរួម ក្នុងកំឡុងពេលកម្ពុជា អាយស៊ីធី ខែមនេះត្រូវបានដាក់ប្រកាសនៅលើគេហទំព័រ ក្រោមអាជ្ញាបណ្ណ CC BY-SA 4.0 ។
គោលការណ៍ភាពឯកជន
ទិន្នន័យផ្ទាល់ខ្លួនដែលទទួលបានពីអ្នកចូលរួមនឹងមិនត្រូវបានប្រើប្រាស់ សម្រាប់គោលបំណងពាណិជ្ជកម្មទេ។ កម្ពុជា អាយស៊ីធី ខែមនឹងមិនដាក់លក់ ឬជួលទិន្នន័យផ្ទាល់ខ្លួនជាដាច់ខាត ទោះស្ថិតក្នុងកាលៈទេសៈណាក៏ដោយ។ ព័ត៌មាននេះនឹងត្រូវបានប្រើប្រាស់ សម្រាប់គោលបំណងទំនាក់ទំនង និងការចែករំលែកព័ត៌មានទាក់ទងនឹងកម្ពុជា អាយស៊ីធី ខែម ប៉ុណ្ណោះ។
តាមរយៈការចែករំលែកទិន្នន័យផ្ទាល់ខ្លួន អ្នកយល់ព្រមផ្តល់ឱ្យកម្ពុជា អាយស៊ីធី ខែមនូវសិទ្ធិដើម្បីរក្សាទុក និងប្រើប្រាស់ទិន្នន័យទាំងនោះ។ អ្នកអាចធ្វើបច្ចុប្បន្នភាពលើព័ត៌មានលម្អិត និងតាមចំណង់ចំណូលចិត្តរបស់អ្នក គ្រប់ពេលវេលាដោយផ្ញើអ៊ីម៉ែលមកកាន់ event@cambodiaict.net។